ڈان بریڈ مین، ڈیوڈ بون اور برائن لارا کے ساتھ قومی کرکٹ ٹیم کے سابق کپتان اور اسٹار بیٹر بابر اعظم کے زیر استعمال بیٹ بھی رکھا جائے گا۔
بابر اعظم کے ستارے اس وقت گردش میں ہیں۔ پہلے کپتانی نہ رہی اور پھر انہیں انگلینڈ کے خلاف سیریز کے دو ٹیسٹ میچز سے بھی ڈراپ کردیا گیا۔
سابق کپتان اس وقت آستریلیا میں ہیں جہاں وہ پاکستان اور آسٹریلیا کے درمیان ون ڈے اور ٹی ٹوئنٹی سیریز میں ایکشن میں نظر آئیں گے۔
بیٹنگ پرفارمنس میں مشکلات کے باوجود آسٹریلیا کے تاریخی کرکٹ گراؤنڈ میلبرن کرکٹ گراؤنڈ کے حکام نے سابق کپتان سے درخواست کی تھی کہ وہ اپنے زیر استعمال ایک بیٹ عطیہ کریں ۔ جسے وہ کے لانگ روم میں نمائش کے لئے رکھیں گے۔
ایم سی جی کے لانگ روم میں ڈان بریڈ مین، ڈیوڈ بون، برائن لارا کے بیٹ بھی نمائش کیلئے موجود ہیں۔
حکام کی درخواست پر بابر اعظم نے 2022 میں ہونے والے ٹی ٹوئنٹی ورلڈکپ 2022 کے فائنل میں استعمال ہونے والا اپنا بیٹ عطیہ کیا۔
