اہم ترین

طالبان خواتین کو انسان نہیں سمجھتے: ملالہ یوسف زئی

نوبل انعام یافتہ ملالہ یوسف زئی کا کہنا ہے کہ طالبان نے تعلیم کا حق چھین رکھا ہے۔وہ خواتین کو انسان نہیں سمجھتے

اسلام آباد میں ”مسلم معاشروں میں لڑکیوں کی تعلیم، موقع اور چیلنجز“ کے عنوان سے منعقدہ دو روزہ عالمی کانفرنس سے خطاب کرتے ہوئے ملالہ یوسف زئی نے کہا کہ دنیا میں 12 کروڑ لڑکیاں اسکول نہیں جاسکتیں، غزہ میں اسرائیل نے پورا تعلیمی نظام تباہ کر دیا ہے۔

ملالہ یوسف زئی کا کہنا تھا کہدنیا کے رنگوں میں پاکستانی لڑکیوں کا حصہ بھی درکار ہے۔ دنیا میں 12 کروڑ جب کہ پاکستان میں ایک کروڑ 25 لاکھ لڑکیاں اسکول نہیں جاسکتیں۔

انہوں نے کہا کہ اس کانفرنس کا مقصد پورا نہیں ہو گا اگر ہم افغان لڑکیوں کی تعلیم کی بات نا کریں، طالبان نے ایک دہائی سے لڑکیوں سے تعلیم کا حق چھین رکھا ہے اور اس مقصد کے لیے 100 سے زائد قانون سازیاں کی ہیں، طالبان خواتین کو انسان نہیں سمجھتے۔

پاکستان