ماہرین صحت نے عیدالاضحیٰ کے قریب آتے ہی ملک بھر میں کانگو وائرس پھیلنے کے خدشات کے بارے میں وارننگ جاری کردی ہے۔
ماہرین صحت کی جانب سے کراچی اور کوئٹہ میں کانگو وائرس سے دو مریضوں کی اموات کے بعد محکمہ سندھ نے الرٹ جاری کیا ہے۔
اس حوالے سے طبی ماہرین کا کہنا ہے عیدالاضحی کی آمد آمد ہے اور اس دوران ملک میں کانگو وائرس پھیلے کے خدشات زیادہ ہیں۔
ماہرین کا اس حوالے سے کہا کہ یہ وائرس مویشیوں گائے، بیل، بکری، بکرا، بھینس، اونٹ اور دنبوں کی کھال سے چپکی چیچڑوں میں پایا جاتا ہے، چیچڑی کے کاٹنے سے یہ وائرس انسان میں منتقل ہو جاتا ہے۔
مرض کی ابتدائی علامت میں مریض کے جسم میں درد اور بخار سے جسم پر دانے نکلنا کانگو کی ابتدائی علامات ہیں، کانگو وائرس سے بچاؤ کی ویکسین نہیں ہے، تاہم علامات ظاہر ہونے پر بر وقت علاج ضروری ہے۔
جب کہ منکی پاکس کے حوالے سے ماہرین کا کہنا ہے کہ منکی پاکس کوعام طور پر ایم پاکس کہتے ہیں، اس کے اثرات معمولی ہوتے ہیں، جو بعض اوقات چکن پاکس سے ملتے جلتے ہوتے ہیں، چند ہفتوں میں خود ہی صاف ہو جاتے ہیں، ان کے لئے کوئی مخصوص ویکسین موجود نہیں لیکن احتیاطی تدابیر لازم ہے، اینٹی وائرل ادویات بھی اس کے علاج میں مدد کر سکتی ہیں۔
طبی ماہرین نے کہا کہ عیدالاضحیٰ قریب آتے ہی کانگو وائرس پھیلنے کا خدشات بڑھ گئے ہیں، عوام قربانی کے جانوروں کی خریداری کے دوران احتیاطی تدابیر اختیار کریں۔
