اس سال واٹس ایپ پر کئی زبردست فیچرز متعارف ہونے جا رہے ہیں۔ بہت جلد آپ اپنا واٹس ایپ اسٹیٹس براہ راست فیس بک یا انسٹاگرام پر شیئر کر سکیں گے۔ اگرچہ واٹس ایپ اسٹیٹس کو انسٹاگرام یا فیس بک پر اسٹوریز کے طور پر پوسٹ کیا جاسکتا ہے، لیکن صارفین کو ہر پلیٹ فارم پر الگ سے پوسٹ کرنا ہوگا۔ بہت جلد لوگوں کو واٹس ایپ پر ہی ایک آپشن ملے گا جس کے بعد وہ براہ راست انسٹاگرام یا فیس بک پر اپنا اسٹیٹس شیئر کر سکیں گے۔ واٹس ایپ کے لیے ‘اکاؤنٹ سینٹر سپورٹ’ بڑا کردار ادا کرنے جا رہا ہے۔
ٹیک نیوزویب سائیٹ کی رپورٹس کے مطابق واٹس ایپ، فیس بک اور انسٹاگرام کی پیرنٹ کمپنی میٹا نے 2020 میں اکاؤنٹ سینٹر کا آغاز کیا تھا۔ جو اس وقت صرف فیس بک اور انسٹاگرام کے لیے تھا۔ اب میٹا واٹس ایپ کے لیے بھی اکاؤنٹ سینٹر سپورٹ شروع کرنے کا منصوبہ بنا رہا ہے۔ اس کے بعد صارفین فیس بک اور انسٹاگرام پر اپنا واٹس ایپ اسٹیٹس دوبارہ شیئر کر سکیں گے۔
کمپنی کا کہنا ہے کہ واٹس ایپ کو اکاؤنٹ سینٹر میں شامل کرنا اختیاری ہے۔ پہلے سے طے شدہ طور پر یہ خصوصیت بند ہو جائے گی۔ اکاؤنٹ سینٹر کے انضمام کے باوجود واٹس ایپ پر لوگوں کو اینڈ ٹو اینڈ انکرپشن ہی ملے گا۔ آسان زبان میں سمجھانے کے لیے دو لوگوں کے درمیان ہونے والی بات چیت مکمل طور پر خفیہ ہوگی اور اس میں میٹا کا کوئی عمل دخل نہیں ہوگا۔
میٹا نے دنیا بھر میں واٹس ایپ کے لیے اکاؤنٹ سینٹر سپورٹ شروع کر دی ہے۔ یہ چند ہفتوں میں واٹس ایپ صارفین کے لیے دستیاب ہوگا۔ اس کے بعد واٹس ایپ صارفین اپنی سرگرمی براہ راست فیس بک یا انسٹاگرام پر شیئر کر سکیں گے۔
اس کے علاوہ ویبیٹا انفو کی ایک رپورٹ میں کہا گیا ہے کہ واٹس ایپ ‘میوزک فار اسٹیٹس اپڈیٹس’ فیچر لا رہا ہے۔ فی الحال اس کیجانچ جاری ہے اور اینڈرائیڈ بیٹا صارفین اسے استعمال کررہے ہیں۔
رپورٹ کے مطابق لوگوں کو جلد ہی واٹس ایپ اسٹیٹس اپ ڈیٹس میں میوزک بٹن نظر آئے گا۔ اس پر ٹیپ کرنے کے بعد موسیقی کی ایک فہرست سامنے آئے گی جس پر لوگ اپنے پسندیدہ گانے کا انتخاب کر سکیں گے اور اسے اپنے اسٹیٹس اپ ڈیٹ میں شامل کر سکیں گے۔
