ایشوریا رائے اور ابھیشیک بچن کے درمیان کافی عرصے سے طلاق کی خبریں آ رہی ہیں۔ لیکن اب امیتابھ بچن کے ذریعے مداحوں کو ان کی طلاق کا بڑا اشارہ ملا ہے۔
ایشوریا رائے اور ابھیشیک بچن کے درمیان کافی عرصے سے طلاق کی خبریں آ رہی ہیں۔ کہا جا رہا ہے کہ دونوں نے علیحدگی کا فیصلہ کر لیا ہے۔ تاہم اب تک ان افواہوں پر جوڑے یا ان کے اہل خانہ کی جانب سے کوئی ردعمل سامنے نہیں آیا۔ اب امیتابھ بچن نے کچھ ایسا کر دیا ہے جس کی وجہ سے ایشوریا اور ابھیشیک کی طلاق کی خبروں کی تصدیق ہوتی ہے ۔
امیتابھ بچن ان دنوں کون بنے گا کروڑ پتی 16 کی میزبانی کرتے نظر آ رہے ہیں۔ ان کی سالگرہ 11 اکتوبر کو تھی اور کون بنے گا کروڑ پتی 16 کے اسٹیج پر اس حوالے سے ایک ویڈیو چلائی گئی جس میں امیتابھ بچن کے اہل خانہ نے انہیں سالگرہ کی مبارکباد دی۔
اس ویڈیو میں اہلیہ جیا بچن، بیٹی شویتا نندا بچن اور نواسے اگتسیہ نندا سمیت امیتابھ بچن کے پورے خاندان نے انہیں مبارکباد دی۔ اس میں بگ بی کی پوتی آرادھیا بچن کی کچھ تصاویر بھی شامل تھیں۔ لیکن ایشوریہ رائے کہیں نظر نہیں آئیں۔ ایسے میں سوشل میڈیا پر مداح دعویٰ کر رہے ہیں کہ یہ اس بات کا اشارہ ہے کہ ایشوریا اور ابھیشیک کی طلاق ہو رہی ہے۔
