انگلینڈ کے خلاف ٹیسٹ سیریز کے دوسرے میچ میں پاکستان نے فتح حاصل کرلی ہے جس کے بعد سیریز ایک ایک سے برابر ہوگئی ہے۔
ملتان کرکٹ اسٹیڈیم میں کھیلے گئے میچ کے چوتھے دن انگلینڈ کی پوری ٹیم رنز پر باہر ہوگئی ، اس طرح پاکستان نے 152 رنز سے فتح سمیٹ کر سیریز ایک ایک سے برابر کردی ہے۔
ٹیسٹ میچ کے چوتھے روز انگلینڈ نے 2 وکٹوں کے نقصان پر 36 رنز کے ساتھ اپنی دوسری اننگز کا آغاز کیا تو اسے فتح کے لئے مزید 261 رنز درکار تھے جب کہ پاکستان سے فتح 8 وکٹیں دور تھی۔
جمعے کے روز کھیل کے آغاز کے ساتھ ہی انگلینڈ کے کھلاڑی ایک ایک کرکے آؤٹ ہوتے گئے۔ پاکستان کو تیسری کامیابی ساجد خان نے دلائی جب انہوں نے اولی پوپ کو 22 رنز پر آؤٹ کیا۔55 رنز پر انگلینڈ کی چوتھی وکٹ 55 رنز پر گر گئی جب جو روٹ کو 18 رنز پر نعمان علی نے ایل بی ڈبلیو آؤٹ کیا۔
انگلینڈ کی پانچویں وکٹ 78 اور چھٹی وکٹ 88 رنز پر گری۔ ہیری بروک 16 اور جیمی اسمتھ 6 رنز بنا کر آؤٹ ہوئے۔ مہمان ٹیم کی ساتویں وکٹ 125 اور آٹھویں وکٹ 138 رنز پر گری۔نعمان علی نے لگاتار دو گیندوں پر دو کھلاڑی آؤٹ کرکے انگلینڈ کا کام تمام کردیا ۔
