اجے دیوگن کی سنگھم اگین کی مشکلات میں اضافہ ہوتا دکھائی دے رہا ہے۔ فلم کو اپنے اخراجات پورا کرنے کے لیے بھی جدوجہد کرنی پڑ رہی ہے۔
اجے دیوگن، دیپیکا پڈوکوناور رنویر سنگھ جیسے ستاروں سے سجی فلم ‘سنگھم اگین’ میں سلمان خان سمیت کئی سپر اسٹارز نے مہمان اداکار کے طور پر جلوے بکھیرے لیکن یہ سب کچھ بھی فلم کو کامیاب نہ کرسکی۔
بھارتی میڈیا کے مطابق فلم نے پہلے ہفتے کے آخر میں 100 کروڑ روپے اور دوسرے میں 200 کروڑ روپے کی کمائی کی۔ لیکن اب فلم کی کمائی میں اچانک وقفہ آگیا ہے۔ ریلیز کے 12ویں دن کے کلیکشن انتہائی مایوس کن سطح پر آگئی ہے۔
بھارت میں فلموں کی کہانی اور کمائی پر نظر رکھنے والے ناقدین کے مطابق 12ویں دن تک فلم نے اب تک بھارت میں 232.72 کروڑ روپے کا بزنس کیا ہے۔
سنگھم اگین کو تقریباً 350 کروڑ روپے کے بھاری بجٹ میں بنایا گیا ہے ، جب کہ دنیا بھر کے بزنس کو دیکھا جائے تو یہ فلم اب تک دنیا بھر میں 323 کروڑ روپے کی کمائی کرسکی ہے۔ یعنی سب کچھ کرنے کے بعد بھی اسے اپنے بجٹ کو پورا کرنے کے لیے 25-30 کروڑ روپے درکار ہیں۔
