مسلم لیگ ن کے صدر میان نواز شریف کا کہنا ہے کہ ایک جماعت نے بدتمیزی کے کلچر کی بنیاد رکھی ہے، اور اپوزیشن میں تو اس سے بھی زیادہ فروغ دے رہے ہیں۔
ڈان نیوز کے مطابق لندن میں میڈیا سے گفتگو کے دوران نواز شریف نے کہا کہ پی ٹی آئی کا نام للیے بغیر شدید تنقید کی۔ انہوں نے کہا کہ ایک جماعت نے بدتمیزی کے کلچر کی بنیاد رکھی ، اسے انہوں (پی ٹی آئی) نے اپنی حکومت کے دوران بھی پروان چڑھایا اور اپوزیشن میں تو اس سے بھی زیادہ فروغ دے رہے ہیں۔
سابق وزیر اعظم نے کہا کہ لوگگاڑیوں کے پیچھے پیچھے بھاگ رہے ہیں، ٹماٹر اور انڈے پھینک رہے ہیں، اگر آپ کی قسمت میں احتجاج لکھا ہے تو کم از کم اس کو اچھے طریقے سے کرو۔
بھارت سے تعلقات سے متعلق نواز شریف نے کہا کہ ماضی میں اگر پاکستان کے بھارت کے ساتھ معاملات بگڑے ہیں تو یہ سنوارے بھی جاسکتے ہیں، اس میں انہیں کوئی دقت بھی نظر نہیں آتی۔
صدر ن لیگ نے کہا کہ بھارتی کرکٹ ٹیم کو چیمپئینز ٹرافی کے لئے ضرور پاکستان آنا چاہیے۔ ہمیں معاملات کو بہتر بنانے کی ضرورت ہے۔
