پاس ورڈ مینیجر ’نورڈ پاس‘ نے اپنی چھٹی سالانہ رپورٹ میں دنیا کے سب سے غیر محفوظ پاس ورڈز کی تفصیلات جاری کردی ہیں۔
برطانوی نیوز ویب سائیٹ انڈیپینڈینٹ کے مطابق دنیا بھر میں ہر روز لاکھوں کی تعداد میں سوشل میڈیا، ای میل اور بینک اکاؤنٹس ہیک ہوتے ہیں لیکن اس کے باوجود لوگ پاس ورڈز کی اہمیت کو سمجھ نہیں پارپے۔ اب بھی لاکھوں لوگ ایسے پاس ورڈز استعمال کررہے ہیں جنہیں ایک سیکنڈ سے کم وقت میں ہیک کیا جا سکتا ہے۔
نورڈ پاس کی رپورٹ میں کہا گیا ہے کہ ذاتی اکاؤنٹس کے لیے سب سے زیادہ استعمال ہونے والے پانچ پاس ورڈزہیں
123456 ،
123456789
12345678
password
qwerty123
دفتری اکاؤنٹس کے لیے سب سے زیادہ استعمال ہونے والے پانچ پاس ورڈز
123456
123456789
12345678
secret
password
رپورٹ میں کہا گیا ہے کہ 123456 تو ایسا پاسورڈ ہے جو کئی برسوں سے سب سے زیادہ غیر محفوظ پاس ورڈز کی فہرست میں پہلے نمبر پر ہے، 30 لاکھ سے زائد لوگ اس کا اپنے ای میل اکاؤنٹس اور 12 لاکھ سے زائد لوگ کارپوریٹ اکاؤنٹس کے پاس ورڈ کے طور پر استعمال کرتے ہیں۔
ماہرین کا کہنا ہے کہ ہیکنگ سے بچنے کے لئے ضروری ہے کہ لمبا پاس ورڈ بنایا جائے اور وہ آپ کی زندگی کے واقعات سے مماثلت نہ رکھتا ہو۔ اس کے علاوہ اس میں مختلف حروف تہجی، اعداد اور اشارے بھی شامل ہوں۔
