حکومت نے 31 دسمبر تک کے لئے پیٹرول اور ڈیزل کی قیمتوں کا اعلان کر دیا۔
وزارت خزانہ کی جانب سے جاری اعلامیے میں کہا گیا کہ 31 دسمبر کی رات 11 بج کر 59 منٹ تک پیٹرول کی قیمت 252 روپے 10 پیسے فی لیٹر برقرار رہے گی۔
ہائی اسپیڈ ڈیزل 3 روپے 5 پیسے فی لیٹر سستا کردیا گیا ہے، اس طرح ہائی اسپیڈ ڈیزل کی نئی قیمت 255 روپے 38 پیسے فی لیٹر ہو گئی ہے۔
لائٹ ڈیزل کی نئی قیمت 2 روپے78 پیسےفی لیٹر کمی کے بعد 148روپے95 پیسے فی لیٹر مقرر کی گئی ہے۔
مٹی کا تیل بھی 3 روپے 32 پیسے فی لیٹر سستا کردیا گیا ہے جس کے بعد مٹی کے تیل کی نئی قیمت 161 روپے66 پیسے فی لیٹر مقرر ہوگئی۔
