بھارتی کرکٹ بورڈ ( بی سی سی آئی) کے اہم عہدے دار نے رواں سال بھارت میں ہونے والے ون ڈے انٹرنیشنل ورلڈ کپ کے حوالے سے بیان دیتے ہوئے کہا ہے کہ ورلڈ کپ کے شیڈول اور وینیو کی تفصیلا ت ٹیسٹ چیمپئن شپ کے فائنل وقت ظاہر کی جائیں گی۔
رواں برس اکتوبر تا نومبر تک منعقد ہونے والے 50 اوور شوپیس ایونٹ ورلڈ کپ کے تناظر میں شیڈول کا تاحال اعلان نہ کیا جانا معمولی بات ہے ، اور اس تاخیر کی وجہ یہ بنی ہے کہ پاکستان کو کیسے قبول کیا جائے ۔
بورڈ آف کنٹرول فار کرکٹ ان انڈیا (بی سی سی آئی) ستمبر میں ایک غیر جانب دار مقام پر روایتی حریفوں اور ایشیا کپ کی میزبانی کرنے والے پاکستان کے ساتھ کھیلنے کے منصوبے پر کام کرنے کی کوشش کر رہا ہے۔
جب کہ پاکستان نے دھمکی دی ہے کہ اگر کرکٹ پاور ہاؤس نے ایشیا کپ کھیلنے سے انکار کیا تو وہ بھارت میں ہونے والے ورلڈ کپ کا بائیکاٹ کر دے گا۔
بھارت اور آسٹریلیا 7تا11 جون کے درمیان اوول میں فائنل میں ٹیسٹ کرکٹ کے لیے آمنے سامنے ہوں گے، جو ممکنہ طور پر ورلڈ کپ کے اعلان کا مقام ہوگا۔
بی سی سی آئی کے سیکریٹری جے شاہ نے احمد آباد میں انڈین پریمیئر لیگ فائنل کے موقع پر میٹنگ کے بعد ایک بیان میں کہا، “آئی سی سی کرکٹ ورلڈ کپ 2023ء کے مقامات کا فیصلہ آئی سی سی ورلڈ ٹیسٹ چیمپئن شپ فائنل کے دوران ایک پریس کانفرنس میں کیا جائے گا۔”
انہوں نے مزید کہا کہ “ٹورنامنٹ کا مکمل شیڈول بھی سامنے آ جائے گا، اوروہ تمام بڑے شہروں بشمول دہلی، بنگلور، چنئی اور کولکتہ کو ٹورنامنٹ کے مقامات کے طور پر دیکھ رہے ہیں۔”
ایشیا کپ کی قسمت کا فیصلہ آئی پی ایل فائنل کے موقع پر چنئی سپر کنگز اور ہولڈر گجرات ٹائٹنز کے درمیان ہونے کی امید ہے۔
جےشاہ، جو ایشین کرکٹ کونسل (اے سی سی) کے صدر بھی ہیں، نے بنگلہ دیش، افغانستان اور سری لنکا کے کرکٹ بورڈ کے صدور کو آئی پی ایل فائنل میں مدعو کیا ہے جہاں وہ ٹورنامنٹ کی تفصیلات پر بات کریں گے۔
اس بابت ان کا کہنا ہے کہ “ایشیا کپ 2023ء کے مستقبل کا فیصلہ اس وقت کیا جائے گا جب ہم اے سی سی کے ممبران (ٹیسٹ کھیلنے والے ممالک) اور ایسوسی ایٹ ممالک کے ساتھ میٹنگ کریں گے۔”
