حال ہی میں بھارتی سپر اسٹار سنی دیول کی ایک ویڈیو وائرل ہو رہی ہے، جس میں وہ ممبئی کے علاقے جوہو میں نشے میں دھت نظر آ رہے ہیں۔ اب سنی دیول نے خود اس وائرل ویڈیو کی حقیقت بتادی ہے۔
وائرل ویڈیو میں سنی دیول کو سڑک کے بیچوں بیچ چلتے ہوئے دیکھا جا سکتا ہے اور وہ خود پر قابو نہیں رکھ پا رہے ہیں۔ اسی دوران ایک رکشا ڈرائیور آتا ہے، جو انہیں لفٹ دیتا ہے۔
Sunny Deol kaha ghoom raha raat ko? pic.twitter.com/L3Yz5bLRhW
— . (@single_soul1) December 5, 2023
سوشل میڈیا صارفین کلپ دیکھ کر حیران رہ گئے اور سوال کیا کہ کیا سنی واقعی نشے میں تھے لیکن اب سنی دیول نے اس ویڈیو کے پیچھے کی حقیقت بتا دی ہے۔
سوشل میڈیا ویب سائیٹ ایکس (ٹوئٹر) پر سنی دیول نے اس ویڈیو کے بارے میں ویڈیو جاری کرتے ہوئے لکھا ہے کہ افواہوں کا سفر بس یہیں تک، اس کے ساتھ ہی انہوں نے ہاتھ جوڑ کر معافی مانگنے کی ایموجی بھی بنائی ہے۔
Afwaahon ka ‘Safar’ bas yahin tak 🙏🙏#Shooting #BTS pic.twitter.com/MS6kSUAKzL
— Sunny Deol (@iamsunnydeol) December 6, 2023
ویڈیو میں دیکھا جا سکتا ہے کہ سنی دیول فلم کے لیے ایک سین کی شوٹنگ کر رہے ہیں۔
چند ماہ قبل سنی دیول نے ایک انٹرویو میں کہا تھا کہ وہ شراب نہیں پیتے۔ یہ کڑوی ، بدبو دار اور سر درد کا باعث بنتی ہے۔ سوچتے ہیں کہ لوگ شراب کو کیسے پسند اور برداشت کرتے ہیں۔۔