آج سال 2023 کا آخری دن ہے اور چند گھنٹوں بعد نیا سال 2024 بھی آنے والا ہے جس کا سب کو بے صبری سے انتظار ہے۔ خیال کیا جاتا ہے کہ اس دن کی تاریخ بھی بہت خاص ہے۔ شاید یہی وجہ ہے کہ گوگل نے 2023 کے آخری دن کے بارے میں ایک بہت ہی خاص پوسٹ شیئر کی ہے۔
سوشل میڈیا پر وائرل ہونے والی اس پوسٹ میں آج کی تاریخ یعنی 31 دسمبر 2023 کی اہمیت کو بیان کیا گیا ہے۔ جان کر آپ حیران ہوں گے لیکن ایسا دلچسپ نمبر 100 سال بعد سامنے آیا ہے، جس کی اہمیت کے بارے میں گوگل بتا رہا ہے۔
سوشل میڈیا پلیٹ فارم انسٹاگرام پر تصویر پوسٹ کرتے ہوئے گوگل نے لکھا ہے کہ، ‘کیا آپ جانتے ہیں کہ آخری بار ایسا 1923 میں ہوا تھا اور اگلی بار ایسا 2123 میں ہوگا۔’
اس بارے میں فلسفیوں کا کہنا ہے کہ تاریخ ہمیشہ اپنے آپ کو دہراتی ہے۔ آج کی تاریخ بھی سو سال بعد دوبارہ آئے گی لیکن ہم سے شائد چند ہی لوگ ایسے ہوںں گے جو یہ وقت دیکھ پائیں گے۔
