قومی ٹیم کے سابق کپتان اور وکٹ کیپر بیٹر سرفراز احمد کا کہنا ہے کہ شان مسعود اور شاہین شاہ آفریدی کو کپتان بنایا ہے تو انہیں وقت بھی دینا چاہیے۔
کراچی میں کوئٹہ گلیڈی ایٹرز کی ایک تقریب کے موقع پر بات چیت کرتے ہوئے سرفراز احمد کا کہنا تھا کہ جتنی بھی کرکٹ کھیلی خاموش ہوکر کھیلی، نوجوان کرکترز کو مشورہ ہے کہ خاموش ہوکر کرکٹ کھیلیں۔
سرفراز احمد نے کہا کہ پاکستان کرکٹ ٹیم کی کپتانی کرنا کوئی آسان کام نہیں، ذرا سی غلطی پر کپتان کو پھڑکادیا جاتا ہے۔
وکٹ کیپر بیٹر نے کہا کہ شان مسعود اور شاہین شاہ آفریدی کو کپتان بنایا ہے تو انہیں وقت بھی دینا چاہیے، شان مسعود نے آسٹریلیا کیخلاف اچھی کپتانی کی، پلئننگ الیون کا انتخاب کرنا ٹیم مینجمنٹ کا کام ہے۔ کھلاڑی پرفارمنس دیں گے تو دوسرا موقع بھی ملے گا۔
پاکستان اور نیوزی لینڈ کے درمیان ٹی ٹوئنتی سیریز پر سرفراز احمد نے کہا کہ کیویز کے خلاف شاہینوں کا ریکارڈ اچھا رہا ہے۔ اس سیریز میں بھی پاکستان اچھی کارکردگی کا مظاہرہ کرے گا۔
