سلمان خان اور جنوبی بھارتی فلم انڈسٹری کی ہیروئن رشمیکا مندانا اپنی آئندہ فلم سکندر کی شوٹنگ میں مصروف ہے۔ اس سلسلے میں سوشل میدیا پر شوٹنگ کی ویڈیو وائرل ہوئی ہے۔
سلمان خان چند روز قبل ریلیز ہونے والی فلم سنگھم اگین میں مختصر کردار ادا کرتے نظر آئے تھے، اب وہ 2025 میں ریلیز ہونے والی فلم سکندر کی شوٹنگ میں مصروف ہیں۔
اے آر مروگاداس کی ہدایت کاری میں بننے والی سکندر میں سلمان خان اور رشمیکا مندنا کے ساتھ نظر آئیں گے۔ فلم کو 2025 کی عید پر ریلیز کرنے کا منصوبہ ہے۔
لارنس بشنوئی گینگ کی دھمکیوں کے خوف سے سلمان خان حیدرآباد دکن میں سخت سیکیورٹی میں سکندر کی شوٹنگ کر رہے ہیں۔ فلم کی عکس بندی حیدرآباد دکن کے مشہور فلک نما محل میں جاری ہے ۔
سوشل میڈیا پر ایک ویڈیو منظر عام پر آئی ہے جو سکندر کے سیٹ کی ہے۔ اس میں عملے کے ارکان دکھائی دے رہے ہیں۔ اس کے علاوہ، وہاں ایک مانیٹر بھی رکھا گیا ہے، جس میں رشمیکا منڈنا نظر آ رہی ہیں۔ تاہم اس میں سلمان خان کہیں نظر نہیں آرہے۔
بتایا جا رہا ہے کہ سلمان بھی وہاں شوٹنگ کر رہے ہیں۔ کہا جا رہا ہے کہ سلمان اور رشمیکا وہاں سکندر کے ایک اہم سین کی شوٹنگ کر رہے ہیں۔
