مس ورلڈ آرگنائزیشن نے اس سال کے آخر میں منعقد ہونے والے اپنے اگلے مقابلے کے مقام کے طور پر بھارت کے نام کا اعلان کرتے ہوئے کہا کہ یہ فیصلہ ہندوستان کے امیر ثقافتی ورثے، تنوع کو فروغ دینے کے اس کے عزم اور خواتین کو بااختیار بنانے کے جذبے کو تسلیم کرنے کا اظہار ہے۔
یہ دوسری بار ہے کہ مس ورلڈ مقابلہ بھارت میں منعقد ہوگا، اسے پہلے یہ مقابلہ 1996ء میں بنگلورو میں منعقد ہوا تھا۔
مس ورلڈ کا مقابلہ دنیامیں منعقد ہونے والے بہت پرانے مقابلوں میں سے ایک ہے۔ امریکہ کی پبلک براڈکاسٹنگ سروس (پی بی ایس) کے مطابق، اسے برطانیہ میں 1951ء میں شروع کیا گیا تھا۔
کمپنی کے ڈائریکٹر پبلسٹی، ایرک مورلی نے فیصلہ کیا کہ مقابلہ کرنے والوں کو بیچ وئیر کا تازہ ترین کریز، بکنی پہنتے ہوئے پوائنٹس دیے جائیں۔ آئرلینڈ اور اسپین جیسے ممالک کی جانب سے “بکینی میں خواتین کے ساتھ انصاف کرنے کی مخالفت کی وجہ سے” مقابلے سے دستبردار ہونے کی دھمکی کے بعد بالآخر ون پیس باتھنگ سوٹ کا انتخاب کیا گیا۔
1991 میں ہندوستانی معیشت کے لبرلائزیشن کے ساتھ، یہاں بڑی تعداد میں غیر ملکی اور نجی کاروباروں کو داخلے کی اجازت دی گئی، زیادہ سے زیادہ بین الاقوامی برانڈز نے اسے اپنی توسیع کے لیے ایک قابل قدر نئی مارکیٹ کے طور پر دیکھا۔ 1994 میں مس ورلڈ اور مس یونیورس کا ٹائٹل دو ہندوستانی خواتین ایشوریہ رائے اور سشمیتا سین نے جیتا تھا جس نے اس خطے میں مقابلہ کی مقبولیت کو بڑھانے میں مدد کی۔
لیکن بھارت کے اس کی میزبانی کے خیال کے خلاف زبردست ردعمل سامنے آیا۔ ایونٹ کا انعقاد کرنے والی امیتابھ بچن کارپوریشن لمیٹڈ (ABCL) کو مبینہ طور پر اس مقابلے کے نتیجے میں ایک بڑا مالی نقصان اٹھانا پڑا۔
1996ء میں نیویارک ٹائمز نے رپورٹ کیا کہ جب مس ورلڈ کا مقابلہبنگلور میں منعقد ہوا تو متعدد مظاہرے ہوئے جن میں خود سوزی بھی شامل تھی۔ حقوق نسواں کی تنظیموں کا ماننا تھا کہ اس طرح کے مقابلے خواتین کی توہین ہیں جب کہ ہندو قوم پرستوں نے اس مقابلے کو اپنی ثقافت پر ایک حملے کے طور پر دیکھا۔ اس لیے سوئمنگ سوٹ کے مقابلے کو قریبی سیشلز جزائر میں منتقل کرنا پڑا۔
