ہمیشہ آن لائن رہنے کے بارے میں پائے جانے والی تمام تر قیاس آرائیوں کے باوجود جدید ٹیکنالوجی ہماری زندگیوں کو متاثر کرتی رہتی ہے۔
میں ٹویٹر کی پیدائش سے لے کر اب تک اس کا ایک حصہ ہوں، گویا سوشل میڈیا کا اب ایک طویل تجربہ ہو چکا ہے۔ پھر بھی اس ہفتے انٹرنیٹ سے ملنے والا سبق یہ تجویز کرتا ہے کہ میں اتنے سالوں سے سوشل میڈیا کا حصہ ہونے کے باوجود اتنا بھی عقلمند نہیں ہوں۔
کل غیر معمولی طور پر ٹویٹر کے بجائے مارک زکربرگ کے نئے ٹوئٹر متبادل تھریڈز کی وجہ سے میرا دھیان اپنے کام سے ہٹ گیا۔
کیا ٹویٹر کے نئے مالک ایلون مسک ایک باصلاحیت اور ذہین آدمی ہیں؟ ہاں، اپنے حریفوں کے لیے مواقع پیدا کرنے کی بات ہو تو یہ صلاحیت ان سے زیادہ شاید کسی اور میں نہیں۔
44 ارب امریکی ڈالر میں ٹویٹر خریدنا – بظاہر اس لیے کہ ان کی سابقہ بیوی نے انہیں ایک ٹیکسٹ میسج بھیجا جس میں لکھا تھا “کیا آپ ٹویٹر خرید سکتے ہیں اور پھر اسے ڈیلیٹ کر سکتے ہیں؟” امریکی بالغ ویب سائٹس کے دس میں سے چھ صارفین نے ایلون مسک کے فیصلوں کے نتیجے میں پلیٹ فارم پر کم وقت گزارنے کا انتخاب کیا ہے۔
مختصراً، ٹویٹر کام کرنے کے لیے ناقابل برداشت حد تک ناگوار ہو گیا ہے۔ تصدیقی نظام بے معنی ہیں اور یہ احمقوں سے بھرا ہوا ہے۔ ٹویٹر کے پاور صارفین میں سے 61 فیصد بائیں بازو کی طرف جھکاؤ رکھتے ہیں۔
لہٰذا، جب سے “آزادی اظہار” کے چیمپیئن اور خواہشمند انٹرنیٹ کامیڈین ایلون مسک نے ٹویٹر میں اپنی آمد کا اعلان ایک چھوٹی سی میم کے ساتھ کیا ہے، لوگ ایک ایسی جگہ کی تلاش میں ہیں جہاں وہ میکرو اکنامک پالیسی، پیزا پر انناس اور ٹیلر سوئفٹ کے ٹکٹوں پر نسل کشی کی دھمکیوں کے بغیر بات چیت کر سکیں۔
کیج فائٹ میں ایلون مسک کو تھپڑ مارنے کا موقع کبھی نہیں گنوانا چاہیے۔ میٹا یا فیس بک کے سی ای او مارک زکربرگ پہلے دن کے اختتام تک شیخی بگھار رہے تھے کیوں کہ تھریڈز 30 ملین نئے صارفین کو سائن اپ کرنے میں کامیاب رہا تھا۔
میں بھی ان میں سے ایک تھا! لطیفے پوسٹ کرنے کے لیے کوئی بھی مجھے معاوضہ نہیں دیتا۔ اجنبیوں کے ساتھ خوش گوار باتوں میں مشغول ہونا، جن سے میں حقیقت میں کبھی نہیں ملوں گا۔ فیس بک، انسٹاگرام، ٹک ٹاک وغیرہ اور اب مجھے یہ محسوس ہوا کہ میں بہت سارے پلیٹ فارمز پر ہوں جس کی وجہ سے میرے پاس ہر پلیٹ فارم کے اعتبار سے مواد کی تخلیق کے لیے بہت کم وقت بچتا ہے۔
میں نے پچھلے 24 گھنٹے اپنے فون کو گھورتے ہوئے گزارے ہیں، یہ سوچتے ہوئے کہ “میں یہ کس لیے کر رہا ہوں،” اور اس نے مجھے احساس دلایا کہ “حد سے زیادہ آن لائن رہنے” کے بارے میں تمام تر قیاس کے باوجود، ہمارے اندر اب بھی انٹرنیٹ کے لیے حد سے زیادہ احترام موجود ہے۔
غلط معلومات اور پروپیگنڈے نے اب انٹرنیٹ کو اپنا اسیر کر دیا ہے۔ اور ہم سب اس کا حصہ ہیں۔
اس میں کوئی شبہ نہیں کہ انٹرنیٹ ٹیکنالوجی ہم عام لوگوں سمیت طاقتور اور دولت مند طبقے کو نمایاں طور پر متاثر کرتی ہے۔ ٹویٹر پر مسک کا اربوں ڈالرز کا نقصان اور زکربرگ کی تھریڈز میں سرمایہ کاری اس کی واضح مثالیں ہیں۔
اس صورتحال سے جو سنجیدہ سبق ملتا ہے وہ یہ ہے کہ جب تک ہم اپنے ذہنوں اور زندگیوں میں انٹرنیٹ کے استعمال کا کوئی مناسب پیمانہ نہیں بنا لیتے، ہم شدید ثقافتی خطرے میں ہیں۔
