تیونس کی عالمی نمبر 6 بیلاروس کی عالمی نمبر 2 کے خلاف پہلا سیٹ ہارنے کے باوجود مسلسل دوسری مرتبہ ومبلڈن فائنل میں جگہ بنانے میں کامیاب رہیں۔

بیلاروس کی آرینا سبالینکا نے میچ کے پہلے ہاف میں حاوی رہتے ہوئے 28 سالہ نوجوان کھلاڑی کو اب تک کا سب سے مشکل چیلنج پیش کیا۔ تاہم، اونس جبیور نے بالآخر 6-7(5)، 6-4، 6-3 سے فتح اپنے نام کی۔

یہ طاقت بمقابلہ استقامت کا ایک دلکش مظاہرہ تھا، تیز رفتار سروس کرنے والی سبالینکا نے جبیور کو میچ کے آخری پوائنٹ تک اپنی عمدہ سروس سے امتحان میں ڈالے رکھا۔

جبیور نے آل انگلینڈ لان ٹینس اینڈ کروکٹ کلب کے سینٹر کورٹ میں سیمی فائنل تک رسائی حاصل کرنے پر پزیرائی کرنے والے تماشائیوں کا شکریہ ادا کیا جن کی اکثریت ان کی حامی رہی تھی۔

انہوں نے کہا کہ “تماشائیوں نے اس میچ میں میرا حوصلہ پست نہیں ہونے دیا ورنہ ان (سبالینکا) کی سروس اور شاٹس سے نمٹنا واقعی مشکل تھا۔

میچ کا پہلا سیٹ واقعی قابل دید تھا جس میں دونوں کھلاڑی شدید تناؤ کا شکار رہیں یہاں تک کہ تماشائی بھی تقریباً اپنی نشستوں سے اٹھ کھڑے ہوئے تھے۔ سبالینکا کی جانب سے اونس جبیور کو غلطیاں کرنے پر مجبور کرنے کے بعد، بیلاروسی کھلاڑی بالآخر ٹائی بریک میں پہلا سیٹ اپنے نام کرنے میں ناکام رہیں۔

لیکن تماشائیوں کی پرجوش حوصلہ افزائی کے بعد جبیور نے خود کو دوسرے سیٹ میں مستحکم کیا اور جلد ہی میچ کا کنٹرول اپنے ہاتھ میں لے لیا۔

سبالینکا، جو ٹائٹل کے لیے ٹورنامنٹ سے پہلے کی فیورٹ میں سے ایک تھی، نے کچھ بڑے سرو، طاقتور فور ہینڈز اور سلائس ڈراپ شاٹس کی بدولت خود کو کمزور نہ پڑنے دیا اور اونس جبیور کو ان کے ہی انداز کا مزہ چکھنے پر مجبور کیا۔

سیٹ کا ٹرننگ اور میچ پوائنٹ اس وقت دیکھنے کو ملا جب جبیور نے سبالینکا کو ایک سخت مقابلے والے گیم میں ان کی تیز اور طاقتور سروس کو کراس کورٹ شاٹ کھیل کر بے کار کر دیا۔ انہوں نے اس موقع کو ضائع نہیں کیا اور بعد ازاں سیٹ میں اپنی برتری کو قائم رکھتے ہوئے میچ اپنے نام کیا۔

اب ان کا مقابلہ ہفتہ کو ہونے والے فائنل میں جمہوریہ چیک کی چوتھی سیڈ مارکٹا ونڈروسووا سے ہوگا۔

جبیور اس سال دو بار وونڈروسووا سے ہار چکی ہیں لیکن انہوں نے کہا کہ وہ اپنے پہلے ومبلڈن ٹائٹل کی تلاش میں اپنا بدلہ لینے کے موقع سے لطف اندوز ہو رہی ہیں۔