آئرلینڈ کے خلاف کھیلی جارہی ٹی ٹوئنٹی سیریز کے پہلے میچ میں ناکامی پر اعظم خان کو ایک مرتبہ تنقید کا سامنا ہے۔
ڈبلن میں کھیلے گئے میچ میں اعظم خان کو پانچویں نمبر پر بیٹنگ کے لئے بھیجا گیا لیکن وہ اپنا کھاتہ بھی نہ کھول سکے اوردوسری ہی گیند پر آؤٹ ہوگئے۔
ناکامی کے بعد سوشل میڈیا پر اعظم خان کو شدید تنقید کا نشانہ بنایا جارہا ہے۔ کوئی بیٹر کی حالیہ کارکردگی دکھا رہا تو کوئی ان کی واحد قابلیت معین خان کا بیٹا ہونے کو قرار دے رہا ہے۔
ایکس صارف آمنہ نے لکھا بھائی رنز اسکور کرنا کب شروع کرو گے؟
ڈینئیل الیگزینڈر نامی صارف نے معین خان کے بیٹے اعطم خان کی ٹی ٹوئنٹی بیٹنگ یہ ہے کہ گزشتہ 8 میچوں میں 4.14 کی اوسط سے صرف 29 رنز بنائے ہیں ۔
علی نے اپنے ایکس اکاؤنت سے کہا کہ ایسا لگتا ہے کہ اعظم خان کو زبردستی شامل کیا گیا ہے۔ وہ ٹیم کے توازن کو خراب اور کھلاڑیوں پر دباؤ ڈال رہے ہیں۔
سرکاسٹک انکل نے تو اقربا پروری کی مثال قرار دے دیا ۔۔ کہا ان سے زیادہ قابل کئی کھلاڑی ٹیم میں جگہ نہیں بناسکے ۔
