عالمی اداروں کی جانب سے قرض ملنے کے باعث قومی زرمبادلہ کے ذخائر میں دو ہفتوں کے دوران ایک ارب 31 کروڑ ڈالر سے زائد کا اضافہ ریکارڈ کیا گیا ہے۔
استیت بینک کے مطابق 29 دسمبر کو ختم ہونے والے ہفتے کے لیے ذخائر 46 کروڑ 40 لاکھ ڈالر بڑھ کر 8.22 ارب ڈالر ہو گئے۔
دوسری جانب ملک کے شیڈولڈ بینکوں کے ذخائر 9 کوڑ 09 لاکھ ڈالر کم ہو کر 4.999 ارب ڈالر رہ گئے۔
گزشتہ 2 ہفتوں میں اسٹیٹ بینک کے زرمبادلہ کے ذخائر میں 1.316 ارب ڈالر کا اضافہ ریکارڈ کیا گیا ہے۔ ملک کے مجموعی ذخائر دو ہفتوں میں 1.15 بلین ڈالر اضافے کے ساتھ 13.22 بلین ڈالر تک پہنچ گئے ہیں۔
ماہرین کا کہنا ہے کہ عالمی بینک، اے ڈی بی اور اے آئی بی سے قرضوں کی آمد کی وجہ سے ذخائر میں اضافہ ہوا ہے۔