دنیا کی سب سے مقبول انسٹنٹ میسیجنگ اور کالنگ ایپ واٹس ایپ اینڈرائیڈ اور آئی او ایس صارفین کے بعد ویب کے لئے بھی چیٹ لاک فیچر متعارف کرانے کی تیاریاں کررہا ہے۔۔
واٹس ایپ نے مئی 2023 میں اپنے اینڈرائیڈ اور آئی او ایس صارفین کے لیے ایک نیا چیٹ لاک فیچر متعارف کرایا تھا۔ تاہم، یہ خصوصیت اس کے ویب کلائنٹ کے لیے متعارف نہیں کی گئی تھی۔
ویبیٹا انفو (WABetaInfo) کی رپورٹ کے مطابق واٹس ایپ اب چیٹ لاک فیچر کو ویب پر بھی لانے کے لیے کام کر رہا ہے۔ اس سے قبل یہ بتایا گیا تھا کہ ویب صارفین کو نیا ڈیزائن کردہ سائڈبار بھی ملے گا۔ اب چیٹ لاک فیچر کی لیک ہونے والی تصویر میں نئی سائڈبار پر ایک الگ آئیکن بھی شامل ہے۔
چیٹ لاک فیچر کا مقصد ویب صارفین کو ذاتی چیٹس لاک کرنے کی سہولت فراہم کرنا ہے۔تاہم، یہ فیچر کیسے کام کرے گا؟ اس بارے میں کوئی اطلاع نہیں دی گئی۔
اینڈرائیڈ اور آئی او ایس کاؤنٹرز چیٹ کو غیر مقفل (unlock)کرنے کے لیے پاس کوڈ، فنگر پرنٹ، اور فیس آئی ڈی کی توثیق کا استعمال کرتے ہیں۔ ویب کلائنٹ پر پاس ورڈز یا پاس کیز کے علاوہ بائیو میٹرکس کے ساتھ لاگ ان کی سہولت بھی مل سکتی ہے ۔
اس کے علاوہ واٹس ایپ ویب میں ایک نئے ڈیزائن شدہ سائیڈبار اور ڈارک تھیم کے لیے ایک نئی رنگ اسکیم ملنے کی بھی توقع ہے۔ پہلے رنگ کی تبدیلی کم روشنی والے ماحول میں آنکھوں کے دباؤ کو کم کرنے کے لیے کی گئی تھی، جبکہ کمپنی کے تمام پلیٹ فارمز پر ڈیزائن میں مستقل مزاجی لانے کے لیے ایک نئی سائیڈبار شامل کی گئی تھی۔
