ایران کے شہر کرمان میں جنرل قاسم سلیمانی کی برسی کے موقع پر تقریب کے دوران یکے بعد دیگرے دو بم دھماکوں میں 103 افراد جاں بحق جب کہ درجنوں زخمی ہوگئے ہیں۔
ایران کی پاسدران انقلاب کے سابق سربراہ جنرل قاسم سلیمانی کو 2020 میں بغداد کے ہوائی اڈے کے باہر ایک امریکی ڈرون حملے میں شہید کیا گیا تھا۔ جنرل قاسم سلیمانی کو ایران میں ہیرو کا درجہ حاصل ہے۔
جنرل قاسم سلیمانی کی برسی کے موقع پر کرمان کی صاحب الزماں مسجد میں تقریب کا اہتمام کیا گیا تھا۔ جس مین بری تعداد میں لوگوں نے شرکت کی تھی۔
مقامی میڈیا پر جاری ہونے والے فوٹیج سے پتہ چلتا ہے کہ پہلے ایک دھماکا ہوا جس کے 15 منٹ بعد دوسرا دھماکا کیا گیا۔۔ جس میں زیادہ جانی نقصان ہوا۔
کرمان صوبے کے ڈپٹی گورنر رحمان جلالی نے واقعے کو دہشت گردانہ حملہ قرار دیا ہے۔
