کہا جاتا ہے کہ جوڑے آسمانوں پر بنتے ہیں۔ ہر انسان کے لئے بہترین جیون ساتھی سے بڑی نعمت کوئی نہیں ہوتی۔ ایک بہترین جیون ساتھی آپ کو ہر روز کچھ نیا سکھاتا ہے۔۔
آج کی نوجوان نسل کو کئی آزادیاں حاصل ہے جن میں جیون ساتھی کے انتخاب کا فیصلہ بھی شامل ہے۔ لیکن بیشتر لوگ اچھے دوست اور اچھے جیون ساتھی کے درمیان فرق نہیں سمجھ پاتے۔
اگر آپ اچھے جیون ساتھی کی تلاش میں ہیں کسی بھی شخص کے ساتھ رشتہ بنانے سے پہلے اس میں 5 چیزیں ضرور دیکھ لیں۔ اس سے آپ کو فیصلہ کرنے میں آسانی ہوجائے گی۔
حوصلہ بڑھانے والا
ایک اچھا ساتھی ہر وقت آپ کے ساتھ کھڑا ہوتا ہے۔ وہ ہر اچھے کام میں آپ کا ساتھ دیتا ہے اور آپ کو کچھ نیا کرنے کی ترغیب بھی دیتا ہے۔اپنے ساتھی کے تعاون اور حوصلہ افزائی سے آپ اپنی زندگی کے ساتھ ساتھ اپنے پیشے میں بھی ترقی کی منازلیں طے کرتے ہیں۔
راببطے قائم رکھنے والا
رابطے کسی بھی صحت مند تعلقات کا ایک اہم حصہ ہیں۔ایک اچھا ساتھی نہ صرف آپ سے بات کرتا ہے بلکہ آپ کی ہر بات کو بھی سنتا ہے اور سمجھنے کی کوشش کرتا ہے۔
احترام کرنے والا
کوئی بھی اچھا رشتہ احترام پر باہمی مبنی ہوتا ہے۔ ایک اچھا جیون ساتھی اپنے شریک سفر کی رائے، اور ذاتی پسند اور ناپسند کا بھی احترام کرتا ہے۔
صلح جو
کہتے ہیں جہاں دو برتن ہوں وہ آپس میں ٹکراتے تو ہیں۔ جیون ساتھی سے بھی لڑائیاں ہونا معمول کی بات ہے۔ لیکن ایک اچھا ساتھی ان تنازعات کو سمجھداری سے حل کرتا ہے۔ ایک اچھا ساتھی آپ کے نقطہ نظر کو سمجھتا ہے اور کچھ معاملات میں سمجھوتہ بھی کرتا ہے۔ رشتے میں یہ ضروری ہے کہ آپ لڑائی کو بڑھانے کے بجائے حل کرنے کی کوشش کریں۔
جذباتی تعاون
ہر شخص کی زندگی میں بہت سے اتار چڑھاؤ آتے ہیں۔ اچھا ان جذباتی اتار چڑھاؤ کے لمحات میں اپنے رفیق کے ساتھ ہمیشہ کھڑا ہوتا ہے۔
