آج کل مصنوعی ذہانت کا دور ہے۔ اس کا اطلاق جہاں ٹیک کے میدان میں ہورہا ہے وہیں اب یہ طبی معاملات مین بھی قدم جما رہی ہے۔ اس کی ایک مثال ایک خاص ڈیوائس ہے جس میں موجود AI فیچر ہمارے دل کی دھڑکن کو سمجھ کر خطرے کے بارے میں پیشگی بتا سکتی ہے
برطانیہ کے ماہرین امراض قلب کی تیار کردہ ڈیوائس کا نام VA-ResNet-50 ہے۔ یہ آلہ 2014 اور 2022 کے درمیان گھر میں لوگوں کے دل (ECG) کو ان کے معمول کے مطابق چیک کرنے کے لیے استعمال کیا گیا تھا۔
سائنسدانوں کا کہنا ہے کہ یہ ڈیوائس 80 فیصد درستگی کے ساتھ بتا سکتی ہے کہ کسی کے دل میں سنگین مسئلہ ہونے کا خطرہ ہے۔
ماہرین کا کہنا ہے کہ اگر دل کی دھڑکن بہت زیادہ بے ترتیب ہو جائے تو دل اچانک بند ہو جاتا ہے جس سے انسان آکسیجن سے محروم ہو جاتا ہے اور بے ہوشی یا موت کا باعث بنتا ہے۔ لہذا، جلد پتہ لگانے کے ساتھ ہم علاج اور خطرے کو کم کر سکتے ہیں.
ڈیوائس بنانے والے پروفیسر آندرے کا کہنا تھا کہ اس وقت جو طریقے رائج ہیں وہ اتنے درست نہیں ہیں اور بعض اوقات لوگ اپنی جان بھی گنوا سکتے ہیں۔ اگر یہ ڈیوائس کہتی ہے کہ کوئی خطرہ ہے تو اس شخص کے لیے خطرہ عام لوگوں کے مقابلے میں تین گنا زیادہ ہے۔ خطرات کا فوری پتہ لگانے اور علاج کرنے کے لیے AI کا استعمال زندگیاں بچا سکتا ہے۔
ڈس کلیمر: خبروں میں دی گئی کچھ معلومات میڈیا رپورٹس پر مبنی ہیں۔ کسی بھی تجویز پر عمل کرنے سے پہلے، آپ کو متعلقہ ماہر سے مشورہ کرنا چاہیے۔
